LAOAG CITY – Nakasaganan a mangasistir ti City Tourism Office kadagiti turista nga agturong ditoy siudad ti Laoag ita a Semana Santa.
Segun ken ni Atty. Charito Malicad, mangidadaulo ti City Tourism Office ditoy siudad ti Laoag a silulukat ti opisinada a mangsolbar kadagiti tumaod a problema dagiti turista nga agturong ditoy siudad.
Inbatadna a nakasagana payen ti Medical Assistance Center a maipan kadagiti tourist areas kangrunaanna kadagiti kabaybayan babaen ti City Disaster Risk Reduction and Management Office ken ti Philippine National Police pakairamanan dagiti dadduma pay nga ahensia a katulungan dagitoy.
Mainaig iit daytoy, kuna ni Atty. Malicad nga immun-una a nagturongda iti Sand Dunes gapu ta ditoy ti kangrunaan a daydaywen dagiti turista no kastoy a Semana Santa.
Inlawlawagna a kabayatan ti panagturong dagitoy ket adda ti nagbalin a kiddaw dagiti agop-operar kadakuada no sadinno daytoy ket ti pannakaikabil ti temporario nga humps wenno ti goma iti kalsada tapno saan unay a napaspas dagiti lugan a dumalyasat iti nasao a lugar.
Kabayatanna, inpasigurado ti City Tourism Officer iti agtultuloy a panagkikinnammayet dagitoy tapno mapagtalinaed ti linak, urnos ken talna ita a Semana Santa.
