LAOAG CITY – Nagsinnapgud ti SUV ken ambulansia iti Barangay Sta. Cruz Sur iti ili ti Badoc.

Nabigbig ti driver ti SUV a Toyota Rush nga agmaris ti nalabbaga a ni Normando Soriano Cabamungan a residente ti Blk Lot 4 Bauang Hills Subd. Bauang, La Union idinto a nabigbig met ti driver ti ambulansia nga agmaris ti puraw a ni Efmar Rona Soto a residente ti Turod, Cabugao, Ilocos Sur.

Basar iti Badoc Municipal Police Station, agpada nga agpa-amianan ti dua a lugan, aksidente a nadungpar ti ambulansia nga adda ti nakalugan a pasiente iti likud a paset ti SUV.

Gapu iti daytoy, adda ti sumagmamano a paset ti dua a lugan ti nadadael.

Naammoan nga amin a nakalugan iti SUV ken ambulansia ket naitaray iti Corpuz Hospital idiay Sinait, Ilocos Sur para iti naan-anay a pannakatamingda.