LAOAG CITY – Inallukoy ti Department of Health Davao Region dagiti residente nga agbalin a naridam kontra kadagiti biddot ken saan a naberipikar nga impormasion nga agwarwaras mainaig iti virus kagiddan ti kumpirmasion ti dua a kaso ti monkeypox idiay Davao City.
Ti dua a kaso ket kinumpirmar ti Davao City Health Office (CHO) idi Abril 16 basar iti datos manipud iti Department of Health-Regioal Epidemiology and Surveillance Unit.
Na-admit dagiti pasiente iti isolation facility idiay Southern Philippines Medical Center.
Nupay kasta, maysa kadagiti pasiente a severely immunocompromised ket pimmusay gapu iti komplikasion nga awan ti pakainaiganna iti monkeypox.
Iti public advisory, gutgutigoten ti Department of Health -11 dagiti Dabawenyos nga agbalin a nakasagana iti pangta ti monkeypox.
Inpasigurado ti Department of Health-11 iti publiko a ti inpadamag a kaso ket karaman iti kapada a Clade II variant ti monkeypox virus nga immuna a nakita.
Naipaganetget a ti nasao a pasiente ket natay gapu iti komplikasion a saan ket di gapu iti monkeypox gubuay iti nakapsot nga immune system.
