LAOAG CITY – Nagpanawagan ti City Environment and Natural Resources Office (PENRO) ditoy ciudad ti Laoag nga agin-inot ti danom ita a panawen ti kalgaw.
Inbatad ni Miss Mylene Pascual, ti mangidadaulo iti City Environment and Natural Resources Office nga idi paylaeng Marso ita a tawen ket makapaspasaren ti tikag ken bassit a supply ti danom manipod kadagiti sources ken water district.
Inrakurak na a no saan nga agusar ti danom ket sierra a naimbag ti gripo ken ugalien nga inspeksyunen no adda ti agubo tapno matarimaan a dagus.
Segun pay kenkuana, rumbeng a saan nga agibelleng ti basura kadagiti karayan ken baybay tapno adda latta ti pagalaan ti danom no kasapulan.
Maipalagip nga immunan nga inrakurak ti konseho nga addan dagiti barangay ditoy ciudad ti Laoag a makapaspasar ti panagkisang ti supply ti danom ita a summer season.
