LAOAG CITY – Inlawlawag ni Mr. Perry Martinez, Acting General Manager ti Ilocos Norte Electric Cooperative wenno INEC a dagiti unscheduled power interruption ket gapu kadagiti naruay nga agus-usar ti kuriente ita a panawen ti kalgaw.
Nupay kasta, inbatadna a saan a basol dagiti member consumer and owners ngem adda dagiti transformer nga ag-overload isu nga agpukaw ti kuriente.
Mainaig iti daytoy, inadmitirna a masansan daytoy a mapaspasamak tunggal madanon ti panawen ti kalgaw.
Innayonna a saan a maintenance ti ar-aramidenda ken ita laeng a madlaw daytoy gapu ta aggigiddan dagiti naruay nga agusar ti kuriente.
