LAOAG CITY – Pinaneknekan ti Polish swimmer a ni Karolina Szczepaniak ti kinapigsa ken determinasion kalpasan a nagun-od ti Guinness World Record a “farthest distance swimming in 48 hours in a 25 m pool (female)” idiay Warsaw, Poland.
Iti uneg ti 48 nga oras, awan sarday a naglangoy ni Szczepaniak iti 25m pool ken nadanonna ti distansia a 149.02 kilometers.
Saan daytoy nga immahon iti danum iti sibubukel a pananggandat, malaksid iti napaspas a taraon ken danum nga inyawat ti support team-na kabayatan nga adda isuan iti pool.
Kas beterana nga Olympian, nabayag a sinaganaan a naimbag ni Szczepaniak ti physical ken mental nga aspeto ti pananggandat pakairamanan ti endurance training, umiso a nutrision ken panang-manage ti bannog.
Ingiddanna ti pananggandatna iti maysa a fundraising initiative tapno suportaran ti maysa a foundation a tumultulong kadagiti ubbing nga addaan ti rangkap iti bagi.
Kalpasan ti 48 nga oras, pinabasabtanda ni Szczepaniak ti nabara a sipsipat manipud kadagiti pagayam ken sumupsuporta kenkuana a naguray iti swimming hall.
Segun iti atleta, inspirasionna iti panaglangoy dagiti ubbing nga agtultuloy a lumablaban iti baet dagiti pannubok iti kasasaadda.
Naammoan nga inton sumaruno a tawen, plano met ni Szczepaniak a padasen ti panaglangoy manioud iti Sweden nga agturong idiay Poland iti Baltic Sea kas paset ti panagsagsaganana para iti titulo a “Longest distance open water swim (female)”.
