LAOAG CITY – Nangiwayat ti inspeksion ni Philippine National Police Chief Police General Rommel Francisco Marbil dagiti kuerpo ti pulisia tapno tingitingen ti kinasagana dagiti Police Regional Offices para iti eleksion inton bigat, Mayo 12.
Karaman kadagiti kinita ni Marbil ti Police Regional Office 13, Police Regional Office 9 ken Police Regional Office Bangsamoro Autonomous Region.
Naragsakan ti opisial ti nasapa a panagsagsagana ti Police Regional Office 13 para iti eleksion nangruna ti pannakaipaay ti Push-to-Talk Over Cellular (POC) radios.
Kinita pay ni Marbil dagiti estratehia ti Police Regional Office 9 iti deployment a gagem a siguradoen ti zero election-related incidents.
Kabayatanna, daytoy a panagbisitana ket panangipaay ti proteksion iti proseso ti eleksion ken panangpapigsa ti institusional a panagdur-as tapno maipatungpal ti natalged ken mapagtalkan a 2025 Midterm Elections.
