LAOAG CITY – Naobserbaran ti European Union (EU) Election Observation Mission ti panagraira ti vote buying kabayatan ti 2025 Midterm Elections.
Inbatad ni Marta Temido, chief observer ti European poll observation mission a nagtalinaed nga endemic ken nairamuten ti panaggatang ti botos iti Pilipinas kabayatan ti eleksyon.
Inpetteng na nga iti panagobserbar ti grupo da ket ado dagiti nangngegan da nga ad-ado ti balitok iti kalepleppas nga eleksyon, malaksid pay kadagiti naimatangan da mismo a sumagmamano a nakapapati nga indikasyon ken dagiti naawat da a report maipanggep iti vote buying babaen ti kwarta, nagduduma a produkto ken pannakaibunong dagiti ayuda.
Innayon na a ti vote-buying ket nairamuten ken endemic a kasapulan iti major engagement tapno masolbar.
Nupay kasta, inpetteng ni Temido a ti vote buying ket nairamot iti kinakurapay.
Inpalgak na pay a ti inaldaw a panagbiag ket maysa a pannakidangadang, mabalin a makuna a benepisyo para kadagiti tattao dagiti naidiaya a taraon, kwarta wenno napapateg a serbisyo, health care wenno funeral expenses kasukat ti botos.
Inanamongan met ni European Union poll observers team deputy chief Manuel Sanchez de Nogues a ti panaggatang ti botos ket agtalinaed gapu ta agtaltalinaed met ti kinapanglaw.
