LAOAG CITY – Naglikudan ni Senator-elect Panfilo “Ping” Lacson ti agwarwaras a damag maipanggep iti maipagarop a pannakipagkita na ken ni Vice President Sara Duterte.
Segun ken ni Lacson, kas maysa a potensyal a senador-judge iti impeachment trial kontra ken ni Vice President Duterte, saan a rebbeng a makipagkita kenkuana bayat a maisaang paylaeng ti kaso iti senado.
Inpetteng ni Lacson nga awan ti problema na iti pannakilangen ken ni Duterte iti normal a gundaway, ngem inpaganetget na ti kinapateg ti opinyon ti publiko kadagiti agbalin nga addang na.
Kabayatanna, nangipaay met ni Lacson ti opinyon na iti panangidaulo ni Presidente Marcos no sadinno a kuna na a kasapulan ti natibker a lider tapno disiplinaen dagiti opisyal ti gobierno.
