LAOAG CITY – Nagyaman ni Governor Matthew Marcos Manotoc kadagiti amin a timmulong bayat ti Palarong Pambansa 2025 a naangay ditoy probinsya.
Karaman kadagiti kangrunaan a nagyamanan ti gobernador ket dagiti sponsors, Tourism Office ken dadduma pay a departamento ken ahensya.
Segun kenkuana, nagbalin a positibo ti komento dagiti bimmisita ken patienna a naragsakda a nakakita ti probinsia.
Kunana nga inaramid amin ti probinsia ti kabaelan da tapno agballigi ti nasao nga aktibidad.
Nupay kasta, inbatad ti gobernador a saan latta a maliklikan nga adda dagiti napasaran a babassit a problema, ngem ibilang na a gagangay laeng dagitoy.
