LAOAG CITY – Nagpanawagan ti United Nations iti United States government nga ibabawi ti sanctions nga inpataw daytoy kadagiti uppat a judges ti International Criminal Court (ICC).
Inbatad ni UN’s human rights chief Volker Turk a ti panangatake kadagiti judges ket arig maisupadi iti kinaawan ti respeto iti rule of law ken patas a proteksion ti linteg.
Immunan nga inrakurak ni United States Secretary of State Marco Rubio ti sanctions iti International Criminal Court judges gapu iti iligal a panangbabalaw iti Israel ken Estados Unidos.
Daytoy ket maysa a sungbat iti inruar a warrant of arrest ti International Criminal Court kontra kadagiti sumagmamano nga opisial ti Israel nga idadauloan ni Israel Prime Minister Benjamin Netanyahu.
Naammoan a dagiti International Criminal Court judges ket nabigbig nga isuda Solomy Balungi Bossa ti Uganda, Luz del Carmen Ibáñez Carranza ti Peru, Reine Adelaide Sophie Alapini Gansou of Benin ken Beti Hohler ti Slovenia.
Gapu iti daytoy, nagyaman ni Netanyahu ken ni United States President Donald Trump gapu iti panangikalintegan ti Estados Unidos kadakuada.
