LAOAG CITY – Inrakurak ti Philippine National Police (PNP) a mangiwaras da ti 37,750 a pulis iti babaen ti Oplan Balik-Eskwela 2025–2026, iti intero a pagilian kas paset iti natalged a panaglukat ti klase ita nga aldaw, Hunyo 16, 2025.
Segun iti Philippine National Police, bantayan dagiti pulis iti 45,974 a pakabuklan ti pagadalan iti pagilian, karaman ditoyen ti 38,292 a pampubliko a pagadalan ken 7,682 a pribado a pagadalan.
Adda met ti 5,079 a police assistance desk nga iwanwan ti 10,759 a pulis, idinto a 10,687 ti mngiyuswat ti mobile patrols karaman ditoy ti 16,366 a foot patrols.
Iti datos ti nailian a pulisya, kadakkelan ti deployment dagiti pulis ket iti Central Visayas nga addaan ti 7,366, Metro Manila (4,323), Bicol Region (2,962), Eastern Visayas (2,376) ken iti Bangsamoro Region (2,898) para iti 657 a pagadalan.
Immunan nga inbatad ni Philippine National Police Chief Gen. Nicolas Torre III a ti kinatalged dagiti estudyante, mangisursuro ken dagiti school staff ti kangrunaan a prayoridad da iti panangrugi ti klase.
