LAOAG CITY – Kinumpirmaran dagiti doctor idiay India nga umaboten iti 279 a bangkay ti narekobre iti nagswekan ti Air India Plane iti Ahmedabad.
Iti agdama ket agtultuloy met ti proseso para iti matching ti DNA samples tapno maamoan ti pakabigbigan dagiti biktima.
Adda met dagiti maiyus-uswat a vigil iti India ken United Kingdom kas paset ti panangbigbig kadagiti pimmusay a biktima.
Agpapan ita ket manarimaan paylaeng ti imbestigasyon ti India Accident Investigation Bureau ken tumultulong met dagiti team manipod iti Estados Unidos ken United Kingdom tapno maamoan no ania ti nangitunda ti panagswek ti nasao nga eroplano.
Maipalagip a nagswek ti Air India Plane sumagmamano a segundo kalpasan a nagtake-off nga agturong koma idiay London.
Manipod kadagiti 242 a nakalugan iti eroplano ket maysa laeng ti nakalasat, daytoy ket ni Vishwash Kumar Ramesh, maysa a British National ken agtawen ti 40.
