LAOAG CITY – Asideg laeng iti The Hague ti pagilian nga immannugot nga umampon ken ni dati a Presidente Rodrigo Duterte no bilang palubusan ti International Criminal Court (ICC) ti interim release daytoy basar iti maysa nga abugado.
Inbatad ni International Criminal Court -accredited lawyer Joel Ruiz Butuyan a nasken a miembro met ti International Criminal Court ti umawat ken ni Duterte.
Inlawlawagna nga uray saan pay a naibutaktak no ayanno a pagilian ti kimmanunong nga umawat ken ni Duterte ket nasken a sumurot latta iti International Criminal Court.
Kunana a rumrummuar nga ipalubos laeng dagiti prosecutors a temporario a makaruar ti pagbaludan ni Duterte no matungpal ti kondisionda.
Maipalagip a kiniddaw ti abugado ni Duterte a ni Nicholas Kaufman ti temporario a pannakawaya-waya ti dati a Presidente manipud iti International Criminal Court detention ken agtalinaed daytoy iti maysa a saanen a dinakamat a pagilian kabayatan ti panagdengngeg dagiti sangsangoenna a kaso.
