LAOAG CITY – Ad-adda a pinili ni Presidente Ferdinand Marcos Jr. a saanen a makibiang iti impeachment ni Vice President Sara Duterte.
Inlawlawag ni Presidente Marcos a makumikom daytoy iti kinaadu ti problema iti transportasion, bagas ken dadduma pay a banag isu a maib-ibus ti orasna ken awan ti papelna iti impeachment.
Mainaig iti daytoy, kunana a kadagiti alegasion isu a naitantan ti proseso ti impeachment ti Bise Presidente ket gapu iti personal wenno pampulitika nga interes.
Inpetteng ti Presidente nga amin nga impeachment process ket adda iti lehislatura iti nagbaetan ti Senado ken Kamara.
Sinungbatan pay ni Marcos dagiti alegasion nga adda ti takder ti Presidente iti agbalin a desision ti impeachment ngem para kenkuana ket saanna nga aramiden daytoy.
