LAOAG CITY – Umabot iti 22 a tattao a natay idinto nga 63 a sabsabali iti napasamak a suicide bomb attack iti simbaan iti ciudad ti Damascus idiay Syria.
Basar iti interior ministry, immuna a nagpalto-paltog ti maysa a lalaki iti Greek Orthodox Church of the Prophet Elias iti Dweila sakbay a pinabettak na ti bukod na a bagi.
Rumrumuar a ti nasao a suspek ket konektado iti jihadist group nga Islamic State (IS), ngem agpapan ita ket awan pay ti panangkumpirmar daytoy ti nasao a grupo.
Naamoan a daytoy ti kaunaan a napasamak a panagatake iti Damascus sipud napadisi ti Islamist-led rebel forces ni dati a Syrian President Bashar al-Assad idi Disyembre ti napalabas a tawen a namagngudo ti 13 a tawen a civil war iti nadakamat a pagilian.
