LAOAG CITY – Inpakaammo ni Mr. Alvin Luciano Ubasa, Social Insurance Officer I ti PhilHealth nga adda ti 28 nga health office ken ospital ti maibilangen a PhilHealth Accredited Konsulta Provider ditoy probinsia.
Segun kenkuana, karaman ditoy ti Adams Rural Health Unit, Banna Municipal Heath Office, Currimao Municipal Health Office, Laoag City Health Office, Dumalneg Rural Health Unit, Marcos Municipal Health Office, Bangui Municipal Health Office, Nueva Era Rural Health Unit, Pagudpud Rural Health Unit, Piddig Rural Health Unit, San Nicolas Municipal Health Office, Sarrat Rural Health Unit, Solsona Rural Health Unit ken Vintar Municipal Health Office.
Inbatadna a malaksid kadagitoy ket adda pay ti dagiti Government Heath Care Institution kas ti Dingras District Hospital, Doña Josefa E. Marcos District Hospital, Gov. Roque B. Ablan Sr. Memorial Hospital, Laoag City General Hospital, Mariano Marcos Memorial Hospital and Medical Center ken Piddig District Hospital.
Kunana nga adda pay dagiti Private Clinics and Heath Care Institution kas ti Bumanglag Specialty Hospital, Gaoat Hospital, Karmelli Clinic and Hospital Corporation, Karmelli Clinic and Hospital Pinili Inc., MSR Healthcare Clinic, Pagudpud Adventist Wellness Center, Pulmocare Health Center ken The Black Nazarene Hospital Inc.
Inlawlawag ni Ubasa a ti PhilHealth Konsulta Package ket isu ti napalawa a primary care benefit package ti PhilHealth.
Mainaig iti daytoy, kunana nga amin a Pilipino a miembro ti PhilHealth ket kualipikado iti daytoy a benepisio.
Masapul laeng nga agparehistro iti maysa a PhilHealth-acrredited Konsulta Package Provider tapno mausar ti benepisio.
Para kadagiti saan pay a rehistrado wenno miembro ti PhilHealth, kasapulan nga agisubmitir ti na-fill out-an a PhilHealth Member Registration Form iti kaasitgan a PhilHealth Office tapno maikkan ti PhilHealth Identification Number.
Naammoan a sakupen ti PhilHealth Konsulta Package ti check up, health screening ken assessment, napili a laboratory wenno diagnostic services ken dagiti agas basar iti health risks, tawen ken kasapulan ti pasiente.
