LAOAG CITY – Indaulwan ni Mayor Micheal Marcos Keon ti pannakaipaay ti cash incentives ken certificate para kadagiti 1,600 a benepisiario ti Milestone Award program ditoy ciudad ti Laoag.
Ti nadakamat a programa ket para kadagiti senior citizens nga agtawen ti 80 agingga 99.
Mainaig iti daytoy, naipaayan ti sagdudua ribo a pisos dagiti agtawen ti 80 agingga 84, sag-3 ribo a pisos dagiti agtawen iti 85 agingga 89, ken 5 a ribo a pisos kadagiti agtawen ti 90 agingga 94 idinto a sag-10 ribo a pisos kadagiti agtawen ti 95 agingga 99.
Kabayatanna, itultuloy ti gobierno lokal ditoy ciudad ti Laoag dagiti programa para iti pagsayaatan dagiti umili kangrunaanan dagiti senior citizens.
