LAOAG CITY – Apagapaman a ngimmato ti bilang dagiti pamilya a pilipino a nagpasar ti involuntary hunger iti umuna a kwarter ita a tawen.
Basar iti resulta ti Social Weather Stations (SWS) survey, ngimmato ti 20% dagiti pamilya a Pilipino a nakapasar ti panagbisin ken awan pulos ti maipauneg da a taraon. maminsan iti kada tallo a bolan.
Nailanad pay iti survey nga adda ti 16.4% a nakapasar ti “moderate hunger” ken 3.6% ti “severe hunger”.
Kayatna a sawen ti Moderate hunger ket naminsan wenno adda ti sumagmamano a gundaway a nakapasar dagiti pamilya a Pilipino ti panagbisin iti napalabas a tallo a bolan.
Kabayatanna, ti met severe hunger ket dakdakamaten na dagiti masansan wenno kanayun a makapaspasar ti panagbisin iti napalabas a tallo a bolan.
Maipalagip a karaman kadagiti maitudtudo a rason no apay nga adda dagiti agpaspasar ti panagbisin a pamilya a Pilipino ket gapu iti agtultuloy a panagngato ti presyo dagiti magatgatang ken ti kinababa ti sweldo dagiti mangmangged.
