LAOAG CITY – Pabor ni Atty. Donato Balderas, ti School Supt. iti Department of Education – Ilocos Norte iti pannakaikkat ti
mother tongue iti panagisuro iti elementarya partikular iti kindergarten agingga iti Grade 3.
Inlawlawag ni Balderas a ti ammo dagiti ubbing ket Filipino ti mother tongue ken ti English ti international language.
Inbatad na a napintas no ti usaren a panagisuro ket Filipino ken Ingles, depende iti subject ngem saanna met a kayat a sawen a maminpinsan nga isardeng ti panagusar ti ilukano.
Kuna na a no kabaelan ti agisuro usar dagiti tallo a lengwahe ket nasaysayaat pay tapno masigurado a maawatan a naimbag dagiti ubbing.
Innayon ni Balderas a no nakurang ti pannakaawat ti maysa nga ubing ket saanna metlaeng a mapagsisilpo dagiti leksyon na.
