LAOAG CITY – Kalikagum nga ipareskedyul ni Acting Davao City Mayor Sebastian “Baste” Duterte ti naikeddeng a charity boxing match-da ken ni Philippine National Police Chief Gen. Nicolas Torre III a maiwayat koma ita nga aldaw ti Domingo, Hulio 27.
Daytoy ket kalpasan nga inrakurakna iti maysa a bidyu nga adda dagiti dadduma a pakakumikomanna tunggal Domingo.
Nupay kasta, dinakamat ni Duterte nga available isuna tunggal Martes ken Mierkoles wenno dadduma nga aldaw malaksid laeng ti Domingo.
Inbatadna a nasaysayaat daytoy para ken ni Gen. Torre tapno maaddaan pay daytoy ti nayon a panawen tapno agsanay.
Nangipaay pay ti abiso ni Duterte ken ni Torre a paigetanna pay ti isaysayangkatna a panagsanay.
