LAOAG CITY – Nangiyuswat ti Thailand ken Cambodia ti peace talks iti maikalima nga aldaw a rinnupak iti border ti nagbaetan ti dua a pagilian.
Nagpanawagan ni Cambodian Prime Minister Hun Manet para iti “immediate ceasefire” sumagmamano nga oras sakbay ti saritaan ti kapya.
Inpetteng met ti Thailand counterpart na a ni Phumtham Wechayachai, a masapol nga ipakita paylaeng nga umuna ti Cambodia a sinsero iti pannakaipatungpal ti ceasefire.
Naipatungpal ti saritaan ti kapya kalpasan a kiniddaw ni US President Donald Trump iti dua a pagilian ti panangipatungpal da ti ceasefire.
Iti agdama, umaboten iti 35 a tattao ti natay ken rinibo a residente ti naibakwit sipud nangrugi ti rinnupak ti dua a pagilian idi Hulyo 24 ita a tawen.
