LAOAG CITY – Pinasagidan ni Senador Imee Marcos ni House Speaker Martin Romualdez kabayatan iti katengaan ti panagbutosna tapno i-archive ti articles of impeachment kontra ken ni Vice President Sara Duterte.
Iti panagbitla ni Sen. Marcos, inawaganna a dakkel a maladaga ti House Speaker ken inaramidna a bonjing ti impeachment gapu ta pangriribuk, panangbuteng ken naaramid nga armas kadagiti manangabuso iti bileg.
Insingasing ti Senadora kadagiti Kongresista a ti House Speaker laengen ti sukatan imbes nga ikkaten iti posision ti opisial a binutosan dagiti umili.
Binagaanna dagiti agpanpanday linteg a saan nga agpadakkel ti buwaya a maladaga pay laeng ket agar-aramiden iti panangabuso.
Inpetteng ti agpanpanday linteg iti Kamara nga irespetar ti desision ti Korte Suprema iti impeachment case ken saan nga agtignay nga arig ket nangatngato pay ngem iti Korte Suprema.
Kabayatanna, kabayatan iti panangilawlawag ti butos ni Sen. Marcos, sumagmamano a guests iti session hall ti nag-thumbs down kenkuana a pakairamanan da Akbayan President Rafaela David ken Tindig Pilipinas co-convenor Kiko Aquino Dee ken uppat a dadduma pay a naparuar dagitoy.
