LAOAG CITY – Umabot iti agarop $500 million a balor ti direct investment pledges ti nagun-od ni Presidente Ferdinand Marcos Jr. kalpasan ti lima nga aldaw nga state visit na idiay India
Maipalagip a sakbay a nagawid ni Presidente Marcos ket nakitaripnpng kadagiti dadakkel a kompanya iti Bengaluru, India tapno papigsaen ti koordinasyon kadagiti sektor ti teknolohiya, salun-at ken renewable energy.
Karaman ditoy ti Hinduja Group no sadinno a natratar ti pannakapalawa ti koordinasyon iti sektor ti information technology – business process management wenno IT-BPM.
Addan ti 22 a tawen nga agop-operar iti Pilipinas ti Hinduja Global Solutions ken mabigbigbig kas pioneer iti nasao nga industrya.
Nakitaripnong pay ti presidente iti NephroPlus, ti kadakkelan a dialysis network iti Asya ken napagsasaritaan ti posibilidad ti pannakapalawa ti nababa a presyo ti renal care sa mas maramingiti kaadoan a Pilipino, kangrunaan na dagiti underserved communities.
Iti sabali pay a business meeting, inrakurak ti iSON Group nga interesado a mangitultuloy ti panagpuunan na iti Pilipinas.
Malaksid iti na digital infrastructure, interesado pay ti grupo a sumrek kadagiti sektor ti renewable energy, healthcare, Business Process Outsourcing ken insurance.
