LAOAG CITY – Ad-adu pay laeng a mannalon dagiti agmulmula ti pagay ditoy probinsia.
Daytoy ti inpasingked ni Engr. Maria Teresa Bacnat, Provincial Agriculturist.
Inlawlawagna a daytoy ket gapu ta maibilang daytoy nga staple food ditoy pagilian.
Inbatadna a kanayonda a gutgutigoten dagiti mannalon babaen ti pannakaipaay dagiti tulong manipud iti gobierno nasional ken probinsia.
Mainaig iti daytoy, inpakaammo ni Engr. Bacnat nga adda dagiti abono a maipaay kadagiti nadadael ti mulana kabayatan iti iduduprak dagiti naglabas a bagyo ken angin abagat.
Naammoan a dua a sako ti abono iti tunggal mannalon ti maipaay kangrunaanna kadagiti partially damaged a 1,100.
Innayonna nga agmula laeng dagiti mannalon ditoy probinsia ti High Value Crops no second cropping.
