LAOAG CITY – Bimmaba ti napastrek ti Laoag City Public Market and Commercial Complex.
Segun ken ni Mayor James Bryan Alcid, daytoy ket maibasar iti naiprisentar a business review kenkuana.
Inbatadna a ti Projected Gross Income iti tiendaan ita a tawen ket dumanon iti 42 a milyon a pisos idinto a ti napastrek da laeng ket 36 agingga iti 37 a milyon a pisos.
Inlawlawagna a no kitaen ket saan met unay a bimmaba ngem masapul magun-od latta ti Projected Gross Income.
Kunana nga iti napalabas a tawen ket awan ti nagngtoan ti napastrek ti tiendaan.
Innayonna a kasapulan a maiplastar a naimbag daytoy tapno awan ti tumaod nga aniaman a problema.
