LAOAG CITY – Inbutaktak ni Senator Rodante Marcoleta nga adda ti maysa a kongresista ti maipagarop a nangkasarita iti abogado ti Discaya tapno mangiraman iti Senador ken maliklikan a ma-contempt.
Iti sesyon ti Senado, kinumpirmaran ni Sen. Marcoleta a nakaawat ti text message manipud iti abogado ni Pacifico “Curlee” Discaya II nga adda ti kongresista a nangkasarita kenkuana a masapol a mangdakamat da ti Senador kabayatan ti panagdengeg iti House Infrastructure Committee idi kalman, September 9 gapo ta no saan met ipa-contempt da daytoy.
Inpakammo na nga adda kenkuana ti nadakamat a mensahe ken agserbi kas pammaneknek.
Inpetteng pay ti Senador a rumbeng a mabigbig no siasinno ti indibidual a masansan a kasarita ni Department of Public Works and Highways (DPWH) Undersecretary Maria Catalina Cabral a maipagarop a sindikato iti flood control projects.
Iti panagdengeg iti House Infrastructure Committee kahapon, nairaman ti nagan da Senator Joel Villanueva ken Sen. Jinggoy Estrada kalpasan a dinakamat ni DPWH district engineer Brice Ericson Hernandez a nakaawat ti kickback iti flood control project idiay Bulacana naiget met a naglikudan dagiti dua a senador.
