LAOAG CITY – Naiyakaren iti Pasay City Jail idi rabii, Setyembre 10 ni dati a Department of Public Works and Highways (DPWH) Bulacan Assistant District Engineer Brice Hernandez.
Daytoy ket kalpasan ti pammilin ti Senado a maiyakar ni Hernandez manipod iti Philippine National Police (PNP) Custodial Center sa Camp Crame.
Napasamak ti pannakaiyakar ni Hernandez iti oras ti alas- 8:50 ti rabii no sadinno a naiget ti pannakabantay na babaen kadagiti Senate Sergeant-at-Arms, Bureau of Jail Management and Penelogoy (BJMP) ken Police Security and Protection Group (PSPG).
Inbatad ti abogado na a ni Atty. Ernest Levanza a nalawag iti motibo iti pannakaiyakar ni Hernandez iti Pasay City Jail a maysa a klase ti panagisubbot.
Maipalagip a napatawan ti contempt ni Hernandez ken inbilin ti Senado a mabalud gapu iti maipagarop a panagswitik na iti Senate Blue Ribbon Committee nga agim-imbestigar kadagiti kuwestiyonable a flood control projects.
