LAOAG CITY – Saan pay a makumpirmaran ti Office of the Vice President (OVP) no agatendar wenno saan ni Vice President Sara Duterte iti naka-schedule a deliberasyon iti kamara de representantes iti nailungalong a 2026 budget ti nasao nga opisina.
Daytoy ti inrakurak ni Office of the Vice President assistant chief of staff Lemuel Ortonio.
Nupay kasta, kuna ni Office of the Vice President budget division chief Atty. Kelvin Gerome Tenido, nai-consolidate ti opisina na ti amin a reports a mabalin a kasapulan ken inkonsiderar da dagiti possible a saludsud kabayatan ti budget deliberations.
Inbatad met ni Ortorio a sagsaganaan da pay dagiti possible a saludsud maipanggep ti confidential funds uray awan ti nakiddaw nga aniaman a gatad para iti sumaruno a tawen.
Basar iti website ti kamara de representantes, naka-schedule nga ipatungpal ti Committee on Appropriations ti deliberasyon ti nailungalong a P902.895-million budget ti Office of the Vice President iti oras ti 1:30 ti malem intono bigat, Setyembre 12.
