LAOAG CITY – Inbatad ni Atty. Raymund Palad a fake news ti report a maipagarop a napaltugan manen ti kliyente na a ni Albuera, Leyte Mayor Kerwin Espinosa.
Inpetteng ni Palad a nabayagen a naka-schedule ti medical check-up na iti injury iti akin-kannawan nga ima na.
Immuna iti daytoy, adda ti rimuar a report a napaltugan manen ni Espinosa ken naitaray iti ospital iti Metro Manila.
Maipalagip nga idi Abril ita a tawen ket napaltugan ni Espinosa idiay Albuera kabayatan ti panagkampanya na para iti mayoral post.
Naglikudan na met ti maipagarop nga “ambush me” ti napasamak ken inbatad na nga agamak para iti biagna kalpasan nga adda ti pito a pulis a nakasoan gapu iti insidente.
