LAOAG CITY – Kinumpirmaran ni Department of Justice Secretary Sec. Jesus Crispin ‘Boying’ Remulla a nakaala daytoyen ti ‘Ombudsman Clearance.’
Inpakitana ti mainaig iti aplikasionna iti posision iti kina-Ombudsman gapu ta daytoy ti maysa kadagiti requirements ti Judicial and Bar Council.
Nupay kasta, nagkedked pay laeng daytoy a mangipaay ti sungbat no naan-anyen a naibasura dagiti sangsangoenna a reklamo iti Office of the Ombudsman.
Kunana laeng a naipatuloden iti Judicial and Bar Council nga isu ti mangidadaulo iti panangtingiting wenno panangarisit kadagiti aplikante para iti nasao a posision.
Naammoan a kayatna a saoen, posible ken mabalin daytoyen a mairaman iti ‘shortlist’ kadagiti nominado ti Judicial and Bar Council no bilang mapili iti maiwaywayat a deliberations.
