LAOAG CITY – Ingalot dagiti sumagmamano a residente iti Barangay 33-A, Lapaz ditoy ciudad ti Laoag ti galba ti pagtaengan da gapo iti Bagyo Paolo.
Segun kenni Konsehal Resty Dela Cruz, ti panagigalot dagiti residente iti galba da ket paset iti panagsagana da iti posible nga epekto ti Bagyo.
Inbatad na nga iti napalabas a bagyo ket adda dagiti naitayab ti galba na isut gapo na a naadalan dan ken nagsakbay dan a naigalot kadagitoy.
Malaksid iti daytoy, no awan pay ti bagyo ket isagsagana dan dagiti kasapulan da iti uneg ti pagtaengan.
Binalakadan na pay dagiti kabarangayan na a no adda ti abiso nga agbakwit ket nasken a sumurot dagitoy.
