LAOAG CITY – Inikkat ti City Disaster Risk Reduction and Management Office ditoy ciudad ti Laoag ti galba kadagiti nauram a pasdek negosyo iti Barangay 16.
Segun kenni Dr. Melvin Manuel, ti mangidadaulo ti City Disaster Risk Reduction and Management Office ditoy ciudad ti Laoag, daytoy ket kas panagsagana ken maliklikan ti pannakaitayab dagiti galba.
Inbatad na nga adda ti mandar ni Mayor James Bryan Alcid a maikkat dagiti galba, kaykayo a nabati kadagiti pasdek tapno saan a mangitunda iti madi a mapasamak no pumigsa ti angin a gubuay ti Bagyo Paolo.
Kadua da iti daytoy ti search and rescue team, Department of Public Safety, Philippine National Police, Bureau of Fire Protection, General Services Office ken dadduma pay.
Mainaig iti daytoy, kunana a naiget ti panagmonitor da kadagiti coastal areas ditoy ciudad ti Laoag ken nakapreposition metten dagiti heavy equipment.
