LAOAG CITY – Inrakurak ti Philippine National Police (PNP) ti pananglukat da iti aplikasyon para iti 6,589 a recruits ita a tawen.
Segun kenni PNP public information chief Brig. Gen. Randulf Tuaño, dagiti interesado nga aplikante ket mabalin nga agturong kadagiti local police station wenno aramiden iti online.
Nasken a dagitoy ket Filipino citizen ken pumasa iti body mass index, psychological, drug ken physical test nga inyuswat ti Philippine National Police.
Ti nasao a bilang ket para kadagiti nagduduma a regional offices ken national support units.
