LAOAG CITY – Linawlawagan ni Ms. Noralyn Boque, officer in-charge ti Treasury Office no apay a tallo gasut a pisos ti mabayadan ti clearance fee for travel abroad.

Kunana nga iti 300 a pisos a bayadan ket karamanen ti treasury clearance, GSO clearance, ken accounting clearance.

Inbatad na a daytoy ket paset iti naamendaran a revenue code no sadinno manipud 60 pesos idi 2019 ket napagbalinen a 100 a pisos.

Mainaig iti daytoy, kuna ni Boque a daytot ti maysa a pamastrekan ti opisina da.

Namunganay daytoy kalpasan nga indasar ni Sang. Panlalawigan Hanson Chua ti maysa nga ordinansa a mangamendar wenno mangikat iti nadakamat a clearance fee.

Kuna ni Chua a basar daytoy iti personal experience na no sadinno a nasingir ti tallo gasut a pisos iti laksid a 100 a pisos laeng ti adda iti revenue code.

Sinaludsud pay ni Chua no apay a kasapulan ti agbayad idinto a pirmaan da laeng ti clearance dagitoy.

Kabayatanna, kuna met ni Sang. Panlalawigan Rafael Medina a no saan nga umabot iti 100 a ribo a pisos ti mapaspastrek iti kada tawen ket nasaysayaat laengen a maikkat ti clearance fee.