LAOAG CITY – Bassit laeng ti epekto na iti crimes against humanity kontra ken ni dati a Presidente Rodrigo Duterte ti pannakadiskwalipika ni International Criminal Court chief prosecutor Karim Khan a mangiggem iti kaso.
Daytoy ti inbatad ni International Criminal Court assistant to counsel Kristina Conti.
Segun ken ni Conti, iti pannagna ti kaso ket awan unay ti epekto na gapu ta awan met ti ar-aramiden iti agdama ni Khan iti kaso ti dati a presidente.
Inlawlawag ni Conti nga idi paylaeng Mayo ita a tawen a dimmistansya ni Khan gapu iti United Nations inquiry mainaig iti alegasyon kenkuana a sexual misconduct.
Innayon na nga idi metlaeng Mayo ket naipasa ken ni Deputy Prosecutor Mame Mandiaye Niang ti nasao a kaso.
Immunan a nailawlawag a ti desisyon ti International Criminal Court appeals chamber, a possible nga addaan ti conflict of interest ni Khan mainaig iti dati a koneksyon na kadagiti komunikasyon nga adda ti pakainaigan iti war on drugs.
