LAOAG CITY – Pabor ti kaadoan a senador nga ipublikar ti Statement of Assets, Liabilities, and Net Worth (SALN).
Daytoy ket basar ken ni Senate President Vicente Sotto III.
Segun ken ni Sotto, nakasarita na ti sumagmamano a kakadwa da iti senado ken kaadoan kadagitoy ket imannugot a maipublikar ti bukod da a sanikua.
Mamati ni Sotto a makatulong daytoy nga addang ni Ombudsman Boying Remulla tapno maisubli ti panagtalek ti publiko kadagiti opisyal ti gobyerno.
Innayon na a saanen a kasapulan nga agpanotaryo kadagiti agkalikadom nga agkiddaw ti kopya ti SALN dagiti senador, aglalo no lehitimo ti agkiddaw kas kadagiti accredited ken lehitimo a media practitioners.
Nupay kasta, inlawlawag ni Sotto a saan a mabalin nga ited ti kopya ti SALN iti siasinno laeng.
