LAOAG CITY – Inbutaktak ti Commission Elections (Comelec) nga adda ti 21 a kontratista a maipagarup a nangipaay ti donasion kadagiti kandidato para iti kampania idi 2025 midterm elections.
Inbatad ni Commission Elections Chairman George Erwin Garcia, basar iti impormasion iti 42 a ribu nga Statements of Contributions and Expenditures (SOCEs) a dimmalan iti panangtingiting ti legal department-da.
Inlawlawagna a ti 21 a kontratista ket saan a kayatna a saoen ket 21 a kandidato met ti karaman ditoy.
Kunana nga adda ti walo a nairekordda ti maipagarup a saan a karaman iti panangipaay ti donasion.
Inpetteng ti opisial, saan a dumanon iti dua a lawas ti imbestigasionda ken malpas daytoy nga insigida kabayatan nga iyur-urayda ti kumpirmasion manipud iti Department of Public Works and Highways (DPWH).
Kabayatanna, inpasigurado met ni Garcia nga apaman a malpasen ti imbestigasion ket insigida a makikooperarda ken mangipatulod ti surat iti Department of Public Works and Highways tapno kumpirmaren no dagiti nagan a rimmuar iti imbestigasionda ket pudno a kontratista ti gobierno.
