LAOAG CITY – Maragsakan ti Teachers’ Dignity Coalition (TDC) gapu ta imannugot ti Department of Education (DepEd) a maddaan ti Wellness Break dagiti mangisursuro ken estudyante iti sumaruno a lawas, imbes nga In-Service Training (INSET) kadagiti pampubliko a pagadalan.
Basar iti memorandum nga inparuk-at ti Department of Education, ti Wellness Break keet mangrugi iti Oktubre 27 agingga iti Oktubre 30.
Kabayatanna, ti In-Service Training ket mabalin nga iyuswat iti aniaman nga aldaw kadagiti nabatbati a bolan ti school year 2025-2026.
Nagyaman ni Teachers’ Dignity Coalition Chair Benjo Basas iti Department of Education gapu ta dinengngge na ti nainkalintegan a kiddaw dagiti mangisursuro.
Segun ken ni Basas, ipakpakita daytoy nga addang ti Department of Education nga ipapaayan na ti importansya ti pagsayaatan dagiti mangisursuro.
Innayon na a rumbebg laeng a maipaayan dagiti mangisursuro ti umdas a panawen tapno makainana ken makasubbot, kangrunaan na ita nga ado dagiti pannubok a sangsangwen dagiti pagadalan ken ti komunidad.
