LAOAG CITY – Inbatad ni Ombudsman Jesus Crispin “Boying” Remulla a ni Benguet Rep. Eric Yap ket maysa a “person of interest” iti nabayadanen ngem saan pay a nalpas a flood control projects idiay La Union babaen iti kompanya na.
Kuna pay ni Remulla a ti kabsat ni Yap a ni Edvic, representative iti ACT-CIS party-list ken ni Bulacan Rep. Salvador Pleyto ket nakaawat ti kwarta babaen iti bank transfers manipud iti contractors nga isuda Curlee ken Sarah Discaya, a maikonkonektar iti ghost ken substandard flood control projects.
Rakurak daytoy ni Remulla kageddan ti panangipila ti Department of Public Works and Highways ti reklamo iti Ombudsman kontra kadagiti 21 DPWH officials ken dua a contractors gapo iti flood control projects idiay La Union ken Davao Occidental nga agbalor ti P276 million.
Pakairamanan ditoy ti P96.5 million a balor ti ghost projects idiay Davao Occidental ken dua a phases a saan a nalpas a flood control projects idiay La Union nga agbalor ti P89.7 million ti tunggal maysa a phase.
Naamoan a ti contractor iti Davao Occidental project ket ti St. Timothy Construction a kukua da Curlee ken Sarah Discaya idinto a ti contractor iti proyekto ti La Union ket ti Silverwolves Construction.
Inpetteng ni Remulla a ti person of interest iti daytoy ket ni Congressman Eric Yap a mapapati nga isu ti beneficial owner iti kompanya a Silverwolves.
