LAOAG CITY – Inakusaran ni Venezuelan President Nicolás Maduro ti Estados Unidos a mangar-aramid ti baro a gubat kalpasan nga inbilin na iti kadakkelan a barko a pakigubat iti lubong a maikabil iti Caribbean.
Ti USS Gerald R Ford kete kabaelan na ti agkarga ti 90 nga aircraft ket ti pannakaideploy na ket mangiparangarang ti pannakapaiget ti kinabileg ti Estados Unidos iti rehiyon.
Maipalagip a nangiyuswat ti Estados Unidos ti 10 nga air strikes kontra kadagiti barko iti lugar kas paset ti ibilang da kas gubat kontra kadagiti drug traffickers.
Immunan nga inakusaran ni US President Donald Trump ni Maduro a lider ti drug-trafficking organisation, banag a naglikudan ti presidente ti Venezuela.
Adda ti panagamak ti Venezuela a ti military build-up ti Estados Unidos ket gagem na a mangikkat ti nabayagen a kabusor ni Trump iti turay.
Ti Estados Unidos ket maysa kadagiti nasyon a saan a mangbigbig ken ni Maduro kas lehitimo a lider ti Venezuela, kalpasan ti eleksyon idi 2024 no sadinno a maipagarop a saan a patas ti resulta ti botos.
