LAOAG CITY – Naglikudan ti Rapid Support Forces iti panangpapatay kadagiti sibilian idiay Sudan.
Daytoy ket kalpasan iti panangideklarar ti Rapid Support Forces nga iggemdan iti siudad.
Inpeksa ti United Nations ti pannakaalarmana kadagiti report ti kinaranggas nga ar-aramiden ti Rapid Support Forces kadagiti naglabas nga aldaw ken nagpanawaganda para iti natalged a panagruar dagiti napupok a sibilian iti riribuk.
Mainaig iti daytoy, inpakaammo ti maysa a babai nga adda ti pamiliana iti el-Fasher nga awanen ti komunikasionna iti pamiliana idinto nga inbatad ti maysa a lalaki a naimatanganna ti naruay a miembro ti kabagianna ti napapatay.
Kabayatanna, naammoan a sumurok 150 a ribu a tattao ti natay sipod nangrugi ti riribuk iti intero a pagilian ken agarup 14 a milyon ti nagtalaw kadagiti pagtaenganda.
