LAOAG CITY – Dinayaw ni Sangguniang Panlungsod Member Jason Perera ti kinadalus ti Laoag City Public Market and Commercial Complex.
Inbatadna nga idi naminsan a nagturong isuna iti merkado publiko ket nakitana ti kinadalus iti aglawlaw iti tiendaan.
Kunana a napintas ti panagkaykaysa ti lokal a gobierno iti panangidaulo ni Mayor James Bryan Alcid tapno mapagtalinaed dagitoy a nadalus iti kitana.
Maipalagip a maysa kadagiti programa iti babaen ti administrasion ni Mayor Alcid ket iti pannakadalus ti aglawlaw ti Laoag City Public Market and Commercial Complex.
Gapu iti daytoy, nabilin ti General Services Office (GSO) ken dagiti dadduma pay iti panagdalus iti aglawlaw ti tiendaan.
Naammoan a malaksid iti tiendaan, madaldalusan pay dagiti nadumaduma a pasdek ken kalsada iti siudad.
