LAOAG CITY – Inpakaammo ni Dr. Rodrigo Catcatan, ti mangidadaulo ti City Health Office ditoy ciudad ti Laoag a naruay dagiti umili a makapaspasar iti Influenza Like Illness.
Segun kenkuana, innaldaw nga ado iti pasyente iti City Health Office ditoy ciudad a ti kangrunaan a paspasaren da ket ti panateng, uyek, gurigor ken dadduma pay.
Kunana a no agpaspasar ti kastoy a sakit ket liklikan ti agturong kadagiti pampubliko a lugar wenno agusar iti face mask tapno saan a maiyakar.
Mainaig iti daytoy, kuna ni Catcatan a kasapolan a pagtalinaeden ti healthy life style kas iti panag-ehersisyo, agbitamina ken dadduma pay a makatulong iti salun-at.
Mainaig iti daytoy, inpasigurado ni Catcatan nga adda ti umdas nga agas iti opisina da para kadagitoy a klase ti sakit, pakairamanan ti high blood.
