LAOAG CITY – Saan a makumpirmaran ti International Criminal Court (ICC) no adda ti inparuk-at na nga arrest warrant kontra kenni Senator Ronald “Bato” Dela Rosa.
Segun kenni ICC spokesperson Fadi El Abdallah, dagiti damag ken isyu nga adda ti pakainaigan na iti ICC ket makita laeng iti opisyal a communication channels.
Ti kaso nga agdama a makita ket ti kaso kontra dati a Presidente Rodrigo Duterte.
Maipalagip nga inbutaktak ni Ombudsman Jesus Crispin Remulla nga adda ti inruar ti ICC nga arrest warrant kontra kenni dela Rosa.
Inbatad met ti Department of Foreign Affairs (DFA) ken Philippine Embassy idiay The Hague nga awan ti naawat da nga arest warrant kontra iti senador.
Sumangsango ni Dela Rosa iti kaso a crimes against humanity nga adda met laeng pakainaigan na iti kaso ni dati a Presidente Duterte iti iligal a droga no sadinno iti dayta a panawen ket isuna ti hepe ti Philippine National Police.
