LAOAG CITY – Nagkamang iti Korte Suprema ti maysa a pribado nga indibidual mainaig iti isyu ti maipagarup a panangarestar ken ni Senador Bato Dela Rosa.
Daytoy ket tapno kiddawen a saan a palubosan ni Dela Rosa nga usaren ti Senado tapno aglemmeng no bilang iruar ti warrant of arrest ti International Criminal Court (ICC).
Segun iti petitioner a ni Barry Tayam, immunan nga inbasura ti Korte Suprema ti petision ngem nangipila isuna ti Motion for Reconsideration tapno maminsan manen nga adalen.
Inbatadna nga iti baet a saan pay a kinumpirmaran ti Department of Justice (DOJ) no addan ti arrest warrant ket saan met a masinunuo no inton ano daytoy a maiparuk-at.
Immannugot met ni Tayam ti inrakurak ti Department of Justice a maysa ti surrender wenno panangsuko ken ni Dela Rosa iti agbalin a posibilidad no bilang addan ti arrest warrant.
