LAOAG CITY – Inpakaamo ni Mayor James Bryan Alcid nga iti benneg ti agrikultura ditoy ciudad ti Laoag ti kangrunaan a naapektaran iti iduduprak ti bagyo Uwan ditoy probinsiya.
Inbatad na a basar iti datos a naipadanon iti opisina na ket umabot iti nasurok a 9-milyon a pisos ti balor dagiti nadadael iti agrikultura ditoy ciudad.
Innayon na nga adda pay dagiti sumagmamano a residente ditoy ciudad a naireport a nadadael ti pagtaengan da a naipaayan a dagus ti tulong.
Mangnamnama ti mayor a saanen a manayunan ti bilang dagiti residente a nadadael ti balay na.
Innayon na a dakkel a tulong ti nasapa a panagsagana ti gobierno lokal ditoy ciudad kadagiti family food packs a naibunong kadagiti naapektaran ti kalamidad.
