LAOAG CITY – Inpasigurado ti United Nations a pagsungbaten da ti adda iti likudan ti mass killing iti el-Fasher, Sudan.
Segun kenni UN human rights chief Volker Türk, maysa a wake-up calls daytoy iti gobyerno ti Sudan a rumbeng a protehiran dagiti inosente nga indibidual.
Sipud nangrugi ti civil war idiay Sudan ket nasurok 150,000 a tattao ti natay ken 12 milyon a residente ti nagbakwit.
Dagiti findings ti UN ket ipaima da iti International Criminal Court.
Naamoan a maak-akusaran ti United Arab Emirates (UAE) ngg agsupsuplay ti armas iti Rapid Support Forces (RSF) militia nga isu ti kalaban ti gobyerno ti Sudan.
