LAOAG CITY – Balligi a naisayangkat ti Public Hearing mainaig iti patas a panangiyisyu ti barangay clearance ditoy siudad ti Laoag.
Segun ken ni Vice Mayor Rey Carlos Fariñas, ti pannakaiyuswat ti hearing ket tapno mapagnunumoan wenno mangngegan dagiti singasing ken banag a mangted ti napateg a pannakaawat ti Draft Ordinance No. 13SP-2025-039 wenno maysa nga ordinansa a mangipasigurado ti patas ken non-discriminatory issuance ti barangay clearance kadagiti amin a residente ditoy siudad ti Laoag.
Inbatadna a nagatendar dagiti dadduma a miembro ti City Council kas kada Konsehal Jaybee Baquiran, Konsehal John Michael Fariñas, Konsehal Donald Nicolas, Konsehal Justine Clarence Chua, Konsehal Bjorn Lao, ABC Pres. Rbee Ablan, Sangguniang Kabataan Federated President Michael Agustin ken dagiti Punong Barangay.
Inlawlawag ti Bise Mayor a no maipasa iti nasao nga ordinansa ket maipasigurado ti naur-urnos a sistema iti panangala ti barangay clearance, maliklikan dagiti saan nga umiso a practices ken maitandudo ti patas a panangala daytoy.
Naammoan a ti nasao a draft ordinance ket inisponsoran ni Sangguniang Panlungsod Member Jeff Ericson Fariñas ken naipaima iti Committee Chairman iti Barangay Affairs and on Laws, Rules, Ethics and Privileges para iti naan-annay a pannakaadalna.
Maipalagip nga adda ti panagreklamo dagiti sumagmamano a residente ditoy siudad ti Laoag maipanggep iti panangala dagitoy ti barangay clearance ken dadduma pay a kasapulan dagitoy a dokumento.
