LAOAG CITY – Inbatad ni Vice President Sara Duterte a saan pay a nakadesisyon no agpaidasig a para presidente intono 2028.
Kuna ti bise presidente nga iwaragawag na ti dessiyon na iti maudi a paset ti 2026.
Rakurak daytoy ni Duterte kalpasan a nasaludsud kenkuana ti maipanggep ti nagbalin a komento ni dati a presidente ken agdama a Pampanga Representative Gloria Macapagal-Arroyo a dagiti naglabas a bise presidente ket mabalin a sukatan da dagiti predecessors da wenno agsubli iti turay babaen ti eleksyon.
Inpetteng ni Vice President Duterte a nasapa pay tapno pagsaritaan ti desisyon na para iti eleksyon intono 2028.
Innayon na a saanna nga ammo no ania ti mapasamak iti sumaruno nga aldaw, ngem no adda pay ti maawagan a pagilian tayo intono 2028 ket adda ti eleksyon para iti baro a bise presidente.
Kuna na a saan pay nga immabot iti punto a pinanunot na no siasinno ti agbalin a Vice Presidente iti 2028 elections.
